Waxaa la yiri nin baa saddex wiil oo waaweyn iyo xoolo tiro badan lahaa. Ninku wuxuu qabey labo naagood

midda dhallinta yari ayaa bilaa carruur ahayd. Berigil dambe buu ninkii u yeeray saddexdiisii wiil intii uusan dhiman, oo uu ku yiri Sadexdiinna mid baanan dhalin, midkuu yahayna waxaa idiin sheegi doona nin ka waxgaradka ah ee deriskeenna dagen ee u taga.

Markii u sidaas yiri buu dhintay aabbehii.

Saddexii wiil baa isa soo raacay oo u yimid ninkii waxgaradka ahaa oo ku yiraahdeen:

Midkayo aabahayo ma dhaline noo sheeg midkuu yaha.

Ninkii waxgaradka ahaa saddexii wiil buu midba fariisiyey geed gaar ah.

markii horena wuxuu u yeeray wiilkii ugu weynaa o ku yiri:

Wiiloow, waxaan kugula talinayaa inaad guursato haweeneyda yaree aabbahaa ka dhintay, xoolaha la dhaxlayana aad ka qaadato gaybtaada iyo teedaba.

Sidee baan u guursadaa aayaday; xeerku iima bannayne? - buu ku jawaabey wiilkii weynaa.

Wa yahay, geedkaagii iska tag ilaa aan kuu yeero.

Ninkii wuxuu markaas u yeeray wiilkii ku xigey o isagana ku yiri eray- adii uu ku yiri wiilkii hore oo kale. Wiilkii labaadna waa diidey taladii ninka, isaga oo gartay in taladaasi tahay mid aan dhaqanku oggolayn.

- Geedkaagii iska tag buu ninkii waxgaradka ahaa ku yiri wiilkii labaadna. Ugu-dambaystii wuxu u yeeray wiilkii saddexaad oo isagana ku yiri sidii labadii wiil ee hore.

Adeerow, ma jecli arrintaas; adaase waxgarad ahoo waan yeelay taladaada buu ku jawaabey wiilkii saddexaad.

Wiilkani arrintii ad iga diiddeen idinku buu iga oggolaaday, taasoo ah in uu guursado aayadiis; sidaas darteed, isagu ma aha walaalkiinbuu yiri ninkii waxgaradka ahaa,

Inta wiilashii isugu wada yeeray. Waa hubaal in usan nala dhalan kaasi bay yiraahdeen walaalihii dhabta ahaa, oo meeshii uga tageen wiilkii saddexaad.