Waqti hor waxaa kaynta dhexdeeda ku noolaa koox badan oo daanyeero ah. Daanyeeradaasi waxay lahaayeen Boqor awood badan leh, kaas oo si wanaagsan u xukumayay. Daanyeeradaasi waxay heleen geed cambe ah oo ka baxaya agagaarka webiga. Geedkaasi wuxuu lahaa cambaha waaweyn oo macaan.

daanyeero geed ku shiraya — Daanyeeradii oo fadhiya geedka cambah hoostisa.

"Ha u ogolaanina hal cambe inuu ku dhaco webiga,"

ayuu yiri Boqorkii daanyeeradu oo ahaa mid aad u caqli badnaa .

"Haddii uu canbuhu ku dhaco webiga, webigu wuxuu u qaadi doonaa meelaha dadka degganka aynu nahay dagan yihiin, Kadib markay ogaadaan mirahan meesha ay ka yimadeen, kama heli doonno nabad, maxaa yeelay waxay u imaan doonaan si ay u raadsadaan mirahan oo waxay naga dumin doonaan boqortooyadeena’’

Geedkii casbah oo wabiga ku dhacaya. — Geedkii canbah ahaa oo xabad ka mid ah ku dhacayso wabiga.

Sidaas darteed, daanyeerada waxay ahaayeen kuwo aad u taxaddar leh, mar walbana waxay ilaalin jireen cambaha ku dhow webiga.

Iyaga oo aan ka warqabin, maalin maalmaha ka mid ah cambe weyn oo bisil oo macaan ayaa ku dhacay webiga. Cambahaasi wuxuu ku dhex dabbaashay webiga wuxuuna gaaray dhinaca kale ee wabiga. Nin dhar ku dhaqaayay wabiga oo ka tirsanaa ciidanka qasriga Boqorka ayaa helay cambahii. Wuxuu u muuqday mid macaan oo bisil. Wuxuu go’aansaday inuu cambaha u geeyo Boqorka.

Nin ka mid ah ciidanka boqorka oo arkay cambe wabiga ku socda. — Nin ka mid ah ciidanka boqorka oo arkay cambihii.

"Boqorow, waxaan ka helay cambahan bisil ee dahabka ah kaynta dhinaceeda webiga mara."

Boqorkii wuu cunay cambihii. Waligiis muu dhadhamin cambe sidan u macaan.

Wuxuu doonayay cambayaal kale oo sidan oo kale ah.

"Ninka dharka dhaqaayay wuxuu ka helay cambahan isagoo ku dhex socda webiga agteena," ayuu Boqorkii yidhi.

“Taa micnaheedu waxa weeye inuu kayimid cambahani dhinaca kale ee webiga."

Sidaas darteed, wuxuu bilaabay inuu raadiyo meesha uu cambahani kayimid. Wuxuu raacay doontii oo wuxuu tagay dhinaca kale ee webiga isaga iyo koox ciidan ah oo la socday. Waxay arkeen geedka cambaha iyagoo saaran doonta. Boqorkii aad buu u farxay. Ugu dambayntii, wuxuu helay cambayaal badan.

Dhanka kale, qaar ka mid ah daanyeeradii ayaa arkay ragga soo socda. Waxay u carareen Boqorkooda waxayna ku wargeliyeen inay jiraan rag doonyo wata oo u soo socda beerta cambaha.

"Waxaan tagi doonaa beerta. Hadda, qof walba, ha ku dul boodo laamaha geedaha oo ha u gudbo dhinaca kale ee webiga. Markaad si nabad ah ku wada gaartaan dhinaca kale, aniguna waan idin soo raaci doonaa." Waxa yidhi danyeerkii boqorka ahaa.

Danyeeradii oo shiraya si ay u baxsadaan. — Daanyeeradii oo tashanaya.

Boqorkii wuxuu ka caawiyay daanyeeradii waayeelka ahaa iyo kuwii yaraa inay u boodaan dhinaca kale. Wuxuu isna isku diyaariyay inuu ku dul boodo laamaha geedaha markuu hubiyay in dhamaan daanyeeradii ay si nabad ah uga gudbeen Dhanka kale ee webiga. Dhinaca kalena, waxa sugayay dhammaan dadkiisii inuu soo gaaro.

Si kastaba ha ahaatee, laantii ayaa noqotay mid aad u daciif ah oo aan qaadi karin miisaanka Boqorka Daanyeerada. Boqorkii Daanyeerada ayaa ku dhacay webiga markii laantu jabtay. Dhamaan danyeeradii ayaa qaylo afka saaray markii ay arkeen Boqorkoodii oo ku dhacaya webiga. Arintan waxaa daawanayay Boqorkii kale. Wuxuu jeclaystay sida uu Boqorkii Daanyeerada ugu diray dadkiisii meel ammaan ah.

Boqorkii danyeerad oo webigan ku dhacay. — Boqorkii danyeerada oo ku dhacaya wabiga.

Markuu arkay Boqorkii Daanyeerada oo ku dhacaya webiga, wuxuu amray askartiisii inay badbaadiyaan.

"Aad baan ugu faraxsanahay dareenkaaga masuuliyadda leh ee aad ku bad baadisay dadkagii waxanad tahay hogaamiye wanagsan," ayuu ku yiri Boqorkii markuu soo dhaweynayay Boqorkii Daanyeerada.

“Dhanka kale, dhammaan dadkiinii waa ay badbaadeen. Waad daashaya adiguna. Waxan kaa codsan lahaa inaad noogu timaado qasrigayga."

Waxa uu idhi boqorkii danyeeradu;

"Boqorow, waad ku mahadsantahay badbadinta aad ii samayseen adi yo ciidankaagu. Waad ku mahadsantahay casuumadaada wanaagsan, laakiin waaan ka xumahay inaanan ku raaci karin. Waayo gurigaygu waa dadkayga agtooda.” "Waa inaan la joogo iyaga,"

Wax uu yiri Boqorkii kale;

"Waxaad tahay Boqor weyn. Waxaad si fiican u ogtahay masuuliyadda Boqorku uu u leeyahay dadkiisa. Anigoo ah Boqor sidaada oo kale, waxba idinma yeelayo adiga iyo dadkaagab. Waxaan u imid inaan qaato qaar ka mid ah cambayaasha aadka u macaan ee wabigu noogu keenay dhulkii aan joognay. Laakiin hadda ma taabanayo cambayaashaa. Halkani waa dhulkiina. Ma waxyeelayn karo. Nololal fiican ku noolaada.

Waxa uu yidhi mar kale boqorkii danyeeradu;

"Waligay waan kaaga mahadcelinayaa inaad iga badbaadisay wabigii an ku dhici gaadhay. Saaxiib kuma fasaxi karo adoon hadyad sii qaadan. Fadlan aqbal inaad sii qaadato qaar ka mid ah cambayaashan macaan oo aad u qaado boqortooyadaada. Sannad walba, waxaan kuu soo diri doonaa qaar ka mid ah cambayaashan macaan. Tani waxayxoojin doontaa xiriirkeenna labada boqortooyo."

Danyeeradii oo cambe u gaynay boqorkii. — Daanyeeradii oo u gaynaya boqorka cambayaal.

Ragii Boqorka la socday waxay ku noqdeen qasrigoodii iyagoo wata cambayaal aad iyo aad u macaan.

Daanyeeradiina waxay ku sii noolaayeen kaynta mudo aad u badan iyagoo sanad walba u diri jiray boqorkii ay saxiibada noqdeen cambayaal aad u macaan.

Danyeerkii iyo boqorkii oo saxiibay. — Boqorkii danyeerada iyo boqorkii kale oo faraxsan.

Dulucda Sheekada;

Haddaba, caruurtayda qaaliga ah, ma aragteen sida uu daanyeerkii u ahaa mid wanaagsan, masuul ah, oo naxariis u haya dadkiisa? Sidaas oo kale ayaa idinka la idinka rabaa inaad ula dhaqantaan saaxiibadiin iyo qof walba. Dulucda sheekadu waa inaad u naxariisataan dadka kale.