Waqti hore, waxaa jiraytay Gabar Dadaal Badan oo aabaheed qabay xaas kale oo haysata Gabadha Caajis Badan. Gabadha Dadaalka Badan waxaa hooyadeed u dirtay in ay shaqo raadiso oo lacag soo shaqaysto. Intii ay jidka ku jirtay, waxay aragtay geed waydiistay in ay ka nadiifiso laamaha qalalan.

Gabadhii dadalka badnayd. — Gabadii dadalka badnayd iyo geedkii.

Gabadha Dadaalka Badan waxay si farxad leh ku qabatay shaqadii loo diray ka dibna socodkeedi ayay sii wadatay. Waxay haddana gaadhay geed kale oo ku yaalay beerta canabka, kaas oo ka codsaday inay nadiifiso laamaha qalalan. Inkastoo ay shaqadu adkayd oo ay daallanayd, haddana waxay samaysay wixii laga codsaday.

Kadib waxay la kulantay foorno duug ah oo dhaawac ah, ka dibna waxay ka codsatay in ay nadiifiso oo hagaajiso shaqadiin waxay u qabatay si daacad ah.

gabadhii dadalka badnayd iyo eygii. — Gabadhii dadalka badnayd iyo AY yar.

intii ay sii socotay, waxay la kulantay eey wasakh ah oo waydiistay in ay nadiifiso oo u hagaajiso. In kasta oo ay ogayd inay wasakhoobi doonto oo dhoobo gali doonto, haddana Gabadha Dadaalka Badan waxay raacday amaradii aygiina way nadiifisay.

Kadib waxay timid gurigii boqoradah yaryar ee sixirka lahaa waxay u soo bandhigeen shaqo nadaafadeed oo hal sano ah.

gabadhii dadalka badnayd iyo boqoradahii. — Gabadhii dadaalka badnayd iyo boqoradihii.

Boqoradaha yaryar waxay yiraahdeen, "Gurigani wuxuu leeyahay toddoba qol. Waa inaad nadiifisaa lix ka mid ah, laakiin waa in aadan marnaba gelin qolka toddobaad," ayay ku dareen.

Gabadha Dadaalka Badan waxay raacday amaradii. Markii sannadku dhamaaday, waxay u sheegtay boqoradahii yaryaraa in ay doonayso in ay gurigeeda ku noqoto. Boqoradahii yar yaraa waxay fureen qolkii toddobaad oo ay ka buuxan dahab iyo qalin.

Boqoradahii yar yaraa waxay kula taliyeen in ay ku seexato dahabka iyo qalinka. Wax kasta oo ku dhegga dharkeeda waa abaalmarinteedii shaqadii sannadka ay qabatay. Jidhkeeda waxaa ku dhegay dahab iyo qalin badan.

Gabadhii dadalka badnayd oo Dahab ku jiifta.

Markii ay toostay, waxay sagootiday boqoradihii yaryaraa waxayna bilawday safarkeedii guriga ay ugu noqonaysay. Markii ay gaadhay webiga, waxay la kulantay eeygii ay hore u nadiifisay. Eygu wuxuu u dhiibay sanduuq ay ka buuxan dhagxaan qaali ah iyo dahab. Eygu wuxuu ku yidhi ‘kala bax inta aad rabto’.

Gabadha Dadaalka Badan waxay ka qaadatay intii ay u baahnayd waxayna sii wadatay safarkeeda. Kadib ceelkii ayay soo gaadhay waxaana uu ku casuumay inay ka cabto biyo nadiif ah. Waxay ka cabtay intii ay u baahnayd ee biyo ahayd, kadibna safar keedi ayay sii wadatay.

Waxay Hadana la kulantay foornadii ay hore u hagaajisay waxaanay siisay kibis cusub oo macaan. Gabadha Dadaalka Badan waxay ka qaadatay kibis maadaama ay gaajoonaysay kadibna jidkeedii ayay sii socotay.

Waxay hadan gaadhay geedkii oo soo saaray tufaaxyo macaan oo qurux badan. Kadib waxay ka aqbashay martiqaadkii geedka oo waxay cuntay tufaaxii, iyadoo qaarna gurigeeda u sii qaadatay. Waxay gurigeedii ku gaadhay si dhaqso leh.

Gabadhii dadalka badnayd oo guriga timid. — Gabadii dadalka badnayd oo faraxsan.

"Sayidkii guriga waa yimid!" ayuu yidhi diiqii guriga. “Bal eega dhammaan dheemanka iyo lacagta ay keentay!" Arrintani waxay ka xanaajishay xaaskii uu aabaheed qabay. Hooyadii dhashay gabadha caajiska badan waxay ku amartay gabadheedii inay shaqo tagto si ay lacag u hesho.

Gabadha Caajiska Badan waxay u baxday inay shaqo raadiso waxayna la kulantay geed duug ah oo qalalan. Geedkii duugga ahaa wuxuu ka codsaday inay laamaha qalalan ka nadiifiso, sida uu u waydiistay Gabadha Dadaalka Badanayad. Gabadha Caajiska Badan way diiday baaqii Geedka Qalalan oo way iska sii socotay.

Gabadhii caajiska badanayd. — Gabadhii caajiska badnayd.

Geedka Canabka ahaa markii ay soo gaadhay isna waxa uu ka codsaday inay laamaha ka nadiifiso.

"Ma iga caawin kartaa inaad iga nadiifiso lamaha, gabadhyahay?" ayuu yidhi geedku. "Maya, waxaan u baahanahay inaan shaqeeyo oo lacag kasbado," ayay tidhi Gabadha Caajiska Badan. "Waan ka xumahay, laakiin wakhti uma haysto inaan ku caawiyo."

Kadib waxay gaadhay foornada jaban. Foornada ayaa ka codsatay caawinaad, gabadhii haddana way diiday. Kadibna waxay u dhowaatay ceelkii oo ka codsaday inay ka nadiifiso xashiishka ku jira gudihiisa.

"Waan daali doonaa haddii aan nadiifiyo, mana doonayo in aan daalo," ayay tidhi Gabadha Caajiska Badan.

Ey yar oo wasakh ah ayaa ka soo hor baxay oo ka codsaday inay caawiso oo ay u maydho. Gabadhu haddana waxay tiri, "Waan wasakhoobayaa haddii aan ku taabto! Eeg inta duqsi ee timahaaga ku jiraan!"

Gabadhii caajiska badnayd iyo aygii. — Gabadhii caajiska badnayd iyo EY yar.

Ugu dambayntii waxay heshay gurigii boqoradaha yaryar lahayeen waya soo gashay si ay shaqo u waydiisato. Boqoradah yaryar waxay u ballanqaadeen shaqo sannad ah laakiin waxay uga diggeen in aanay gelin qolka 7aad, sidii ay ugu sheegeen Gabadha Dadaalka Badan.

Gabadhii way aqbashay waxayna bilawday inay boqoradihii yaryara u shaqayso. Waxay raacday amaradii dhowr maalmood. Si kastaba ha ahaatee, maalin maalmaha ka mid ah, waxay gashay qolka toddobaad. Inkastoo qolka uu mugdi ahaa, haddana way gashay. Albaabkii ayaa gadaasheeda is-xidhay. Cayayaan iyo dixiriyo ayaa ku soo baxay ugu danbayna way qaniinen.

Gabadhii cajiska badnayd oo gashay qolkii todobaad. — Gabadhii caajiska badnayd oo gashay qolkii todobaad.

Boqoradahii yaryaraa waxay ku yiraahdeen, "Waxaanu kugu niri ha gelin qolka toddobaad!" Gabadhu way dhaawacantay oo dhiig baa ka socda waxayna go'aansatay inaysan sii joogin halkaas.

Gabadha Caajiska Badan way iskaga tagtay boqoradihii yaryara. Waxayna la kulantay intay jidka ku sii jirtay eygii waxayna waydiisatay caawimaad. Eygu wuxuu ku yidhi, "Waligaa iimaad caawin. Maxaan kuu caawiyaa hadda?"

Markii ay ceelkii soo gaadhay, waa ay ku soo ordayay yada oo aad u oomman. Waxay doontay inay ka cabto biyaha, laakiin ceelkii ayaa dhammaan biyihii nuugay. "Markii aan ku waydiistay inaad i caawiso, waad diiday,” ayuu yidhi ceelkii. "Waan ka xumahay, laakiin hadda kuma caawin karo. Bax!"

Gabadhii Caajiska Badnayd waxay sii wadatay socodkeedi iyadoo niyad jabsan. Waxay sii socotoba ilaa ay gaadhay foornadii. Si kastaba ha ahaatee, ololkii foornada ayaa ka cabsiyay oo eryaday. "Sidaad ii diiday inaad i caawiso markii aan ku baahnaa, hadda aniguna waan kuu diidayaa inaan ku caawiyo. Bax!"

Gabadhii caajiska badnayd oo dhiban — Gabadhii caajiska badnayd oo dhibataysan.

Gabadhu jidkeedii ayay sii socotay iyadoo gaajaysan, ooman oo daalan. Waxay gaadhay beerihii canabka iyadoo rajaynaysa inay hesho wax canab ah oo ay cunto. Waxay isku dayday inay wax ka hesho, laakiin canabkii duugga ahaa ma uusan u ogolaanin. Gabadhu waa qasab inay ka tagto beerihii canabka oo ay socodkedii sii waddo.

Gabadha Caajiska Badan waxay hadana soo gaadhay geedkii duugga ahaa. Waxaa geedka ku dul xirnaa miro badan. "Markii aan ku waydiistay inaad gacmahaaga igu caawiso, waad i diiday," ayuu geedkii duugga ahaa ku yidhi Gabadhii Caajiska badnayd markay doontay inay miro qaadato. "Hadda lama ogola inaad wax ka cuntid mirahan. Bax!" ayuu yidhi.

Gabadhii gurigeedii ayay soo gaadhay ugu danbayn. Markay guriga soo haadhay, diiqii ayaa arkay oo yidhi ‘‘iyadu waa wasakhaysantahay oo dhiig baa ka daya’’. Gabadha Hooyadeed aad bay uga naxday in gabadheeda yar ay xaaladdan ku sugantahay. Waxay ka caawisay inay dhaydo nabaradii ku soo dhacay. Gabadhii dadalka badnaydna waxay u sheegtay habkii ay ku soo heshay lacagta iyo cuntada. Waxa kale oo ay u sheegtay inay marka hore iyadu wanaag samayso kadib uu wanagasi u soo noqon doono marka ay u bahato.

gabadhii caajiska badnayd oo ku soo noqotay gurigii. — Gabadhii caajiska badnayd oo ku soo noqotay gurigoodi.

Dulucda Sheekadan; Casharka sheekadu waa in caajisnimadu aysan abaal keenin. Sheeko murtiyeedku waa hab fiican oo carruurta lagu baro anshaxa wanagsan.